BP NEWS: ಬಳ್ಳಾರಿ: ಏಪ್ರಿಲ್.10: ಸಂಡೂರು ತಾಲೂಕಿನ ಬಳ್ಳಾರಿ ಜಿಲ್ಲೆಯಲ್ಲಿ ಬರುವ ಉಬ್ಬಲಗಂಡಿ ಗ್ರಾಮದಲ್ಲಿ ಇಂದು ಶ್ರೀ ಗಂಡಿ ವೀರಭದ್ರೇಶ್ವರ ದೇವರ ರಥೋತ್ಸವ ಬಹಳ ವಿಜೃಂಭಣೆಯಿಂದ ನಡೆದಿದ್ದು, ಜನ ಸಾಗರದ ಅಲೆಯಂತೆ ಹರಿದು ಬಂದಿದ್ದರು.
ಈ ರಥೋತ್ಸವವನ್ನು ಊರಿನ ಸರ್ವ ಭಕ್ತಾದಿಗಳು ಹಾಗೂ ಸುತ್ತ ಮುತ್ತಲಿನ ಊರಿನ ಭಕ್ತಾದಿಗಳು ಬಂದು ಸಂಭ್ರಮದಿಂದ ಆಚರಿಸಿ, ಸ್ವಾಮಿಯ ದರ್ಶನ ಭಾಗ್ಯ ಪಡೆದು, ಸ್ವಾಮಿಯ ಆಶೀರ್ವಾದಕ್ಕೆ ಪಾತ್ರರಾದರು.ಈ ರಥೋತ್ಸವವು ವರ್ಷಕ್ಕೊಮ್ಮೆ ನಡೆಯುತ್ತದೆ ಆದರೂ ಪ್ರತಿದಿನವೂ ನೆನೆಸುವಂತಹ ಜಾತ್ರಾ ಮಹೋತ್ಸವವೂ ಇದಾಗಿರುತ್ತದೆ ಎಂದು ಊರಿನ ಜನ ಮನಪೂರ್ತಿಯಾಗಿ, ಖುಷಿಯಿಂದ ಜೊತೆಗೆ ಸ್ವಾಮಿಯ ಕೃಪೆ ಇಂದ ನಾವು ನೆಮ್ಮದಿಯಾಗಿ ಇದ್ದೇವೆ, ಜನರು ಸ್ವಾಮಿಯ ದರ್ಶನ್ ಭಾಗ್ಯದಿಂದ ಕೃತಾರ್ಥ ರಾಗಬೇಕೆಂದು ಬಿಪಿ ನ್ಯೂಸ್ ಮೂಲಕ ಮನವಿ ಮಾಡಿಕೊಂಡರು.
