BP NEWS: ಬಳ್ಳಾರಿ: ಜನವರಿ.05:
ಜಿಲ್ಲೆಯ ಕಂಪ್ಲಿ ತಾಲ್ಲೂಕಿನ ಮಾವಿನಹಳ್ಳಿ ಗ್ರಾಮದ ಬಿ.ರವಿಶಂಕರ್ ಹಾಗೂ ಸಿರುಗುಪ್ಪ ತಾಲ್ಲೂಕಿನ ತೆಕ್ಕಲಕೋಟೆ ಪಟ್ಟಣದ ಬಸವರಾಜ.ಕೆ ಎನ್ನುವ ಕ್ರೀಡಾಪಟುಗಳು ಗೋವಾದಲ್ಲಿ ನಡೆಯುವ 22ನೇ ನ್ಯಾಷನಲ್ ಪ್ಯಾರಾ ಅಥ್ಲೆಟಿಕ್ ಚಾಂಪಿಯನ್‍ಶಿಪ್-2024 ಪುರುಷ ಮತ್ತು ಮಹಿಳೆಯರ ಕ್ರೀಡಾಕೂಟಗಳಿಗೆ ಆಯ್ಕೆಯಾಗಿದ್ದಾರೆ.
ಪ್ರಸ್ತುತ ಸಾಲಿನ 22ನೇ ನ್ಯಾಷನಲ್ ಪ್ಯಾರಾ ಅಥ್ಲೆಟಿಕ್ ಚಾಂಪಿಯನ್‍ಶಿಪ್-2024 ಕ್ರೀಡಾಕೂಟಗಳು ಗೋವಾದ ಪಣಜಿಯ ಜಿಎಂಸಿ ಅಥ್ಲೆಟಿಕ್ ಕ್ರೀಡಾಂಗಣದಲ್ಲಿ ಇದೇ ಜ.09 ರಿಂದ 13ರವರೆಗೆ ನಡೆಯಲಿದ್ದು, ಬಿ.ರವಿಶಂಕರ್ ಅವರು 1500 ಮೀಟರ್ ರನ್ನಿಂಗ್, ಜಾವೆಲಿನ್ ಥ್ರೋ ಕ್ರೀಡೆಗೆ ಆಯ್ಕೆಯಾಗಿದ್ದು, ಅದೇರೀತಿಯಾಗಿ ಬಸವರಾಜ.ಕೆ ಅವರು ಉದ್ದ ಮತ್ತು ಎತ್ತರ ಜಿಗಿತಕ್ಕೆ ಆಯ್ಕೆಯಾಗಿರುತ್ತಾರೆ.
ಈ ಮೊದಲು ಇವರಿಬ್ಬರೂ ಕಳೆದ ಡಿಸೆಂಬರ್ ತಿಂಗಳಿನಲ್ಲಿ ತುಮಕೂರಿನಲ್ಲಿ ನಡೆದ ರಾಜ್ಯ ಮಟ್ಟದ ಪ್ಯಾರಾ ಅಥ್ಲೆಟಿಕ್ ಚಾಂಪಿಯನ್‍ಶಿಪ್ ಕ್ರೀಡಾಕೂಟಗಳಲ್ಲಿ ಗೆದ್ದು, ಪ್ರಸ್ತುತ ಗೋವಾದಲ್ಲಿ ನಡೆಯುವ 22ನೇ ನ್ಯಾಷನಲ್ ಪ್ಯಾರಾ ಅಥ್ಲೆಟಿಕ್ ಚಾಂಪಿಯನ್‍ಶಿಪ್-2024 ಪುರುಷ ಮತ್ತು ಮಹಿಳೆಯರ ಕ್ರೀಡಾಕೂಟಗಳಿಗೆ ಆಯ್ಕೆಯಾಗಿ, ವಿವಿಧ ಸ್ಪರ್ಧೆಗಳಲ್ಲಿ ಭಾಗವಹಿಸುತ್ತಿರುವ ಬಿ.ರವಿಶಂಕರ್ ಮತ್ತು ಬಸವರಾಜ.ಕೆ ಅವರಿಗೆ ಜಿಲ್ಲಾಡಳಿತ ವತಿಯಿಂದ ಜಿಲ್ಲಾಧಿಕಾರಿ ಪ್ರಶಾಂತ್ ಕುಮಾರ್ ಮಿಶ್ರಾ ಅವರು ಶುಭ ಹಾರೈಸಿದ್ದಾರೆ.
