BP NEWS : ಬಳ್ಳಾರಿ: ಜುಲೈ.22: ವಿದ್ಯಾಕಾಶಿ ದಾರವಾಡದಲ್ಲಿ ವಿಶ್ವ ದರ್ಶನ ಕನ್ನಡ ದಿನಪತ್ರಿಕೆಯ ಹತ್ತನೇ ವರ್ಷದ ವಾರ್ಷಿಕೋತ್ಸವ ಮತ್ತು ಈ ಪತ್ರಿಕೆಯ ಪ್ರಧಾನ ಸಂಪಾದಕರಾದ ಡಾ.ಎಸ್. ಎಸ್.ಪಾಟೀಲ ರವರ ೫೩ ನೇ ವರ್ಷದ ಹುಟ್ಟು ಹಬ್ಬದ ನಿಮಿತ್ಯ ಕೊಡಮಾಡುವ ಕರ್ನಾಟಕ ಕಲಾ ಭೂಷಣ ರಾಜ್ಯ ಪ್ರಶಸ್ತಿಯನ್ನು ಬಳ್ಳಾರಿ ಜಿಲ್ಲೆಯ, ಸಂಡೂರು ತಾಲ್ಲೂಕಿನ, ಯು.ರಾಜಾಪುರ ಗ್ರಾಮದ ಚಿತ್ರಕಲಾವಿದ ಡಿ ಜಿ ತಿರುಮಲ ರವರು ಚಿತ್ರಕಲಾ ಕ್ಷೇತ್ರದಲ್ಲಿ ಮಾಡಿದ ಅಪಾರ ಸೇವೆಯನ್ನು ಪರಿಗಣಿಸಿ ಈ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಯಿತು.
ಡಿ ಜಿ ತಿರುಮಲ ಅವರು ಹಲವಾರು ರಾಜ್ಯ ಪ್ರಶಸ್ತಿಗಳು ಹಾಗೂ ರಾಷ್ಟ್ರೀಯ ಪ್ರಶಸ್ತಿ, ಮತ್ತು ಹಲವಾರು ರಾಜ್ಯ ಮಟ್ಟದ ಚಿತ್ರಕಲಾ ಸ್ಪರ್ಧೆಯಲ್ಲಿ ಬಹುಮಾನಗಳನ್ನು ಪಡೆದವರಾಗಿದ್ದಾರೆ. ಕಲಾವಿದನಿಗೆ ಮಹಾಸ್ವಾಮಿಗಳು, ಗಣ್ಯಾತಿಗಣ್ಯರ, ಸಮ್ಮುಖದಲ್ಲಿ ಈ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಯಿತು. ಈ ಕಾರ್ಯಕ್ರಮದಲ್ಲಿ ದಿವ್ಯಸಾನಿದ್ಯ ಪ.ಪೂ ಶ್ರೀ ಡಾ.ಮಲ್ಲಿಕಾರ್ಜುನ ಮಹಾಸ್ವಾಮಿಗಳು ಮುರುಗಾಮಡ ದಾರವಾಡ, ಶ್ರೀ ಡಾ.ಜ್ಞಾನ ಕಾಲ ಬ್ರಹ್ಮಸದ್ಗುರು ಶರಣಬಸವ ಮಹಾಸ್ವಾಮಿಗಳು, ಕಾಲಜ್ಞಾನ ಮಡ ವೀರಯ್ಯ ಮಹಾಸ್ವಾಮಿಗಳು, ಪ.ಪೂ. ಶ್ರೀವಿದ್ಯಾನಂದ ಮಹಾಸ್ವಾಮಿಗಳು , ಮತ್ತು ವಿಶ್ವ ದರ್ಶನ ಕನ್ನಡ ದಿನ ಪತ್ರಿಕೆಯ ಪ್ರಧಾನ ಸಂಪಾದಕರಾದ ಡಾ.ಎಸ್. ಎಸ್.ಪಾಟೀಲರವರು, ಬಂಗ್ಲೆ ಮಲ್ಲಿಕಾರ್ಜುನ , ಪಿ ವಿ ಕೋರಗಲ್ಲ ಮಡ ಇನ್ನೂ ಹಲವಾರು ಗಣ್ಯಮಾನ್ಯರು ಉಪಸ್ಥಿತರಿದ್ದರು.
ಪ್ರಶಸ್ತಿ ದೊರೆತಿದ್ದಕ್ಕೆ ಡಿ ಜಿ ತಿರುಮಲ ಅವರು ಚಿತ್ರಕಲಾ ಶಿಕ್ಷಕರಾಗಿ ಸೇವೆ ಸಲ್ಲಿಸುತ್ತಿರುವ ಮೊರಾರ್ಜಿ ದೇಸಾಯಿ ವಸತಿ ಶಾಲೆ ಮೆಟ್ರಿಕಿಯ ಪ್ರಾಂಶುಪಾಲರಾದ ಕೊಟ್ರಗೌಡ್ರು , ಓಂಕಾರಪ್ಪ ಅವರು ಮತ್ತು ಶಾಲಾ ಸಿಬ್ಬಂದಿ ವರ್ಗದವರು ಮತ್ತು ಯು. ರಾಜಾಪುರದ ಸಮಸ್ತ ಗ್ರಾಮಸ್ಥರು ಹರ್ಷವ್ಯಕ್ತಪಡಿಸಿದ್ದಲ್ಲದೆ ಪ್ರಶಸ್ತಿ ಪುರಸ್ಕೃತರಿಗೆ ಬಿ ಪಿ ನ್ಯೂಸ್ ಮೂಲಕ ಅಭಿನಂದನೆಗಳನ್ನು ತಿಳಿಸಿದರು.
