BP NEWS: ಬಳ್ಳಾರಿ: ಜುಲೈ.04: ದಿನಾಂಕ ೦೩.೦೭.೨೦೨೨ ರಂದು ಪುಣ್ಯಪವಿತ್ರ ಬಾದಾಮಿ ಕ್ಷೇತ್ರದಲ್ಲಿ ಶ್ರೀ ಲಕ್ಕಮ್ಮ ಕಲಾಪೋಷಕ ತಂಡದಿಂದ ಅಖಿಲ ಕರ್ನಾಟಕ ಜಾನಪದ ನೃತ್ಯ ಕಲಾಮೇಳದಲ್ಲಿ ನಡೆದ ಜಾನಪದ ಕಲೆಗಳ ವೈಭವ ಹಾಗೂ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಗೈದ ಹಾಗೂ ಸಾಧನೆಮಾಡುತ್ತಿರುನ ಸಾಧಕರಿಗೆ ಕರ್ನಾಟಕ ಸೇವಾ ರತ್ನ ರಾಜ್ಯ ಪ್ರಶಸ್ತಿ ಪ್ರಧಾನ ಸಮಾರಂಭ ನಡೆಯಿತು. ಈ ಅದ್ದೂರಿ ಕಾರ್ಯಕ್ರಮದಲ್ಲಿ ವಿಜಯನಗರ ಜಿಲ್ಲೆಯ ಎಂ.ಕಲ್ಲಹಳ್ಳಿ ಗ್ರಾಮದ
ಶೋಭಾ ಮತ್ತು ಬಸವರಾಜ ಆಚಾರ್ಯ ಅವರ ಸುಪುತ್ರರಾದ ಕು.ಕಾರ್ತಿಕ ಆಚಾರ್ಯ ಇವರು ಅನೇಕ ಕಡೆ ಸಾಹಿತ್ಯಿಕವಾಗಿ, ಸಂಘಟನಾತ್ಮಕವಾಗಿ, ನಿರೂಪಕರಾಗಿ, ತೆರೆಮರೆಯಲ್ಲಿ ಸೇವೆ ಸಲ್ಲಿಸುತ್ತಾ ಕನ್ನಡ ಸಾಹಿತ್ಯ ಬೆಳೆಸುವಲ್ಲಿ ಕಾರ್ಯನಿರತರಾಗಿದ್ದನ್ನು ಪರಿಗಣಿಸಿ, ಅವರ ಈ ನಿಸ್ವಾರ್ಥ ಸೇವೆಯನ್ನು ಗುರುತಿಸಿ ಪೂಜ್ಯರ ಸಾನಿಧ್ಯದಲ್ಲಿ, ಅನೇಕ ಗಣ್ಯಮಾನ್ಯರ ಸಮ್ಮುಖದಲ್ಲಿ ಕರ್ನಾಟಕ ಸೇವಾ ರತ್ನ ಪ್ರಶಸ್ತಿ ಪ್ರಧಾನ ಮಾಡಿ ಗೌರವಿಸಿದ್ದಾರೆ. ಅನೇಕ ಸಾಹಿತ್ಯಿಕ ಬಳಗಗಳು, ಸ್ನೇಹಬಳಗ ಕನ್ನಡದ ಮನಸ್ಸುಗಳು ಕಾರ್ತಿಕ ಆಚಾರ್ಯ ಅವರನ್ನು ಅಭಿನಂದಿಸಿ ಹಾರೈಸಿ ಹರಸುತ್ತಿವೆ.
