BP NEWS Karnataka: ಬಳ್ಳಾರಿ: 01-08-2024: ರಂದು , ಬಲಕುಂದಿ ಗ್ರಾಮದ, ಸುಂಕಲಮ್ಮ ದೇವಸ್ಥಾನ ಆವರಣದಲ್ಲಿ, ಸಿರುಗುಪ್ಪ ತಾಲೂಕಿನ,ಬೂದುಗುಪ್ಪ ಗ್ರಾಮದ ಶ್ರೀ ಬಸವೇಶ್ವರ ಸಾಮಾಜಿಕ ಸಾಂಸ್ಕೃತಿಕ ಕಲಾ ಟ್ರಸ್ಟ್ ವತಿಯಿಂದ ಹಮ್ಮಿಕೊಳ್ಳಲಾಗಿದ್ದ, ನಾಟಕ ಪ್ರದರ್ಶನ ಕಾರ್ಯಕ್ರಮದಲ್ಲಿ,
ಬಳ್ಳಾರಿ ಜಿಲ್ಲೆ, ಸಿರುಗುಪ್ಪ ತಾಲೂಕು, ಸಿರಿಗೇರಿ ಗ್ರಾಮದ”ಧಾತ್ರಿ ರಂಗ ಸಂಸ್ಥೆ”ತಂಡದವರಿಂದ ಶ್ರೀಕೃಷ್ಣ ಸಂಧಾನ ಎಂಬ ನಗೆ ನಾಟಕ ಪ್ರದರ್ಶನಗೊಂಡಿತು. ಈ ಕಾರ್ಯಕ್ರಮದಲ್ಲಿ ವೇದಿಕೆಯಲ್ಲಿ ಉಪಸ್ಥಿತರಿದ್ದ ಬಸವೇಶ್ವರ ಸಂಸ್ಕೃತಿಕ ಟ್ರಸ್ಟ್ ನ ಅಧ್ಯಕ್ಷರಾದ ಹೂಗಾರ್ ವಿಶ್ವನಾಥ್ ಸಾಹುಕಾರ್,
ಮತ್ತು ಬಲಕುಂದಿ ಗ್ರಾಮದ ಪಂಚಾಯಿತಿ ಅಧ್ಯಕ್ಷರಾದ ಬಿ ಎಂ ಸುನಿತಾ ರುದ್ರಮುನಿ ಸ್ವಾಮಿ, ಸದಸ್ಯರಾದ ರಾಜಶೇಖರ ಗೌಡ,ಪರುಸಪ್ಪ ಹಾಗೂ ಇನ್ನಿತರೆ ಗ್ರಾಮ ಪಂಚಾಯಿತಿಯ ಸದಸ್ಯರು ಹಾಜರಿದ್ದರು. ಕಾರ್ಯಕ್ರಮದ ಕುರಿತಾಗಿ ಮಾತನಾಡಿದ ವಿಶ್ವನಾಥ್ ಸಾಹುಕಾರ್ ಗ್ರಾಮೀಣ ಭಾಗದಲ್ಲಿ ಈ ರೀತಿ ಆಧುನಿಕ ನಾಟಕಗಳನ್ನು ನೋಡಿ ಜನರು ಪ್ರೋತ್ಸಾಹಿಸಬೇಕು ಎಂದು ತಿಳಿಸಿದರು ಮುಂದಿನ ದಿನಗಳಲ್ಲಿ ಬಯಲಾಟ ಮತ್ತು ಇನ್ನು ಹೆಚ್ಚಿನ ಸಾಮಾಜಿಕ ನಾಟಕಗಳನ್ನು ಹೊಸದಾಗಿ ಪ್ರಯೋಗ ಮಾಡುವ ಯೋಜನೆ ಇದೆ ಎಂದು ಹೇಳಿದರು.
