ಬಿಪಿ ನ್ಯೂಸ್: ಬಳ್ಳಾರಿ: ಮೇ.21: ಕಟ್ಟೆ ಬಸವ ರಾಜಯ್ಯ ಎಂಬುವವರು ಬಳ್ಳಾರಿ ಭಾಗದ ಪ್ರತಿಷ್ಠಿತ ಶಾಲೆಗಳಲ್ಲಿ ಸತತ 11 ವರ್ಷಗಳಿಂದ ನೃತ್ಯ ಗುರುಗಳಾಗಿ ಸೇವೆ ಸಲ್ಲಿಸುತ್ತಿದ್ದು, ಇದೀಗ ಗ್ರಾಮೀಣ ಭಾಗದ ಮಕ್ಕಳಲ್ಲಿರುವ ಪ್ರತಿಭೆಯನ್ನು ಹೊರತರಲು, ಅವರಲ್ಲಿ ಅಡಗಿರುವ ಪ್ರತಿಭೆಯನ್ನು ಪ್ರೋತ್ಸಾಹಿಸಲು
ಸುಗ್ಗೇನಹಳ್ಳಿಯ ಶ್ರೀ ವಿದ್ಯಾಭಾರತಿ ಶಾಲೆಯಲ್ಲಿ 20 ದಿನಗಳ ಕಾಲಾವಧಿಯಲ್ಲಿ ಮಕ್ಕಳಿಗೆ ರಿಂಗ್ ಡ್ಯಾನ್ಸ್, ಸ್ಕೇಟಿಂಗ್, ಮತ್ತು ಡ್ಯಾನ್ಸ್ ತರಭೇತಿಯನ್ನು ಉಚಿತವಾಗಿ ಯಶಸ್ವಿಯಾಗಿ ಹೇಳಿಕೊಡುವುದರ ಮೂಲಕ ಮಕ್ಕಳ ಮತ್ತು ಪೋಷಕರ ಗಮನ ಸೆಳೆದಿದ್ದಾರೆ. ಇವರ ಈ ಕಾರ್ಯ ವೈಖರಿಗೆ ಶ್ರೀ ವಿದ್ಯಾಭಾರತಿ ಶಾಲೆಯ ಅಧ್ಯಕ್ಷರು ಶ್ರೀಮತಿ ಕೆ.ಉಮಾದೇವಿ ಇವರು ಮೆಚ್ಚುಗೆಯನ್ನು ವ್ಯಕ್ತಪಡಿಸಿದ್ದಾರೆ.
