BP NEWS: ಬಳ್ಳಾರಿ: ಜನವರಿ.27: ದಿನಾಂಕ 26.01.2024ರ ಶುಕ್ರವಾರ ಸಂಜೆ ಸಂಡೂರಿನ ಎಪಿಎಂಸಿ ಪ್ರೌಢಶಾಲಾ ಆವರಣದಲ್ಲಿ ಪ್ರಥಮ ಬಾರಿಗೆ ಹಮ್ಮಿಕೊಂಡಿದ್ದ “ಸಂಡೂರು ಉತ್ಸವ 2024″ರ ಕಾರ್ಯಕ್ರಮವು ಸಂಜೆ 5:30 ರಿಂದ ಸಾಂಸ್ಕೃತಿಕ ಕಾರ್ಯಕ್ರಮಗಳೊಂದಿಗೆ ಪ್ರಾರಂಭಗೊಂಡಿತು. ಇದೇ ಕಾರ್ಯಕ್ರಮದಲ್ಲಿ ಯು ರಾಜಾಪುರದ ಜಾನಪದ ಗಾಯಕರಾದ ಡಿಜಿ ತಿರುಮಲ ಅವರಿಂದ ಜಾನಪದ ಗೀತ ಗಾಯನ ಕಾರ್ಯಕ್ರಮವು ಪ್ರೇಕ್ಷಕರ ಮನಸೂರೆಗೊಂಡಿತ್ತು.
ಗಾಯನ ತಂಡದಲ್ಲಿ, ತಮಟೆಯಲ್ಲಿ ಬಳ್ಳಾರಿಯ ಖ್ಯಾತ ಜಾನಪದ ಗಾಯಕರಾದ ಜಡೇಶ್ ಎಮ್ಮಿಗನೂರು, ಜಂಬೆ ವಾದ್ಯದಲ್ಲಿ ಚಂದ್ರು ಬಸಾಪುರ, ತಬಲ ದಲ್ಲಿ ಕುಮಾರಸ್ವಾಮಿ, ಗಾಯಕರಾದ ಶೇಖರ್ ಬಿ, ದೊಡ್ಡ ಬಸಪ್ಪ, ಶ್ರೀಧರ್ ರಾಥೋಡ್, ರೇಣುಕಾ ಅವರು ಗಾಯನದಲ್ಲಿ ಭಾಗವಹಿಸಿದ್ದರು. ಇದೆ ಸಂದರ್ಭದಲ್ಲಿ ಸಂಡೂರು ಉತ್ಸವದಲ್ಲಿ ಅವಕಾಶ ನೀಡಿದ ಸಂಡೂರು ತಾಲೂಕಿನ ಆಡಳಿತ ವರ್ಗಕ್ಕೆ ತಂಡದ ನಾಯಕರಾದ ಡಿ ಜಿ ತಿರುಮಲ ಅವರು ಮತ್ತು ಸದಸ್ಯರು ಬಿಪಿ ನ್ಯೂಸ್ ಮೂಲಕ ಧನ್ಯವಾದಗಳನ್ನು ತಿಳಿಸಿದರು.
