BP NEWS: ಬಳ್ಳಾರಿ: ನವೆಂಬರ್.16 : ಬಳ್ಳಾರಿ ಮಹಾನಗರ ಪಾಲಿಕೆ ಕಛೇರಿಯ ಸಿಬ್ಬಂದಿಗಳಾದ ಅಬ್ದುಲ್ ಖಾದರ್, ಪಸ್ಟ್ ಗ್ರೇಡ್ ಕಂದಾಯ ನಿರೀಕ್ಷಕರು, ಮತ್ತು ಚಿನ್ನಯ್ಯ ಕೇಸ್ ವರ್ಕರ್ ರವರು ಫಿರ್ಯಾದಿದಾರರಾದ ಕಿರಣ್ ಯಾದವ್, ಜುವೇಲರಿ ವ್ಯಾಪಾರಿ ಬಳ್ಳಾರಿ ರವರಿಗೆ ಫಿರ್ಯಾದಿ ರವರ ನಿವೇಶನಕ್ಕೆ ಈ ಖಾತೆ (ಫಾರಂ ನಂ: 2 ಮತ್ತು 3) ಮಾಡಿ ಕೊಡದೆ ಕಛೇರಿಗೆ ಅಲೆಸುತ್ತಾ ಸರ್ಕಾರಿ ಕೆಲಸ ಮಾಡಿಕೊಡದೆ ರೂ.80,000/-ಗಳ ಹಣ ನೀಡುವಂತೆ ಕಿರಣ್ ಯಾದವ್ ಅವರಿಗೆ ಡಿಮೆಂಡ್ ಮಾಡಿದ್ದಾರೆ.
ಮನನೊಂದ ಕಿರಣ್ ಯಾದವ್ ಇಂದು ಅಂದರೆ ದಿನಾಂಕ:16/11/2022 ರಂದು ಕರ್ನಾಟಕ ಲೋಕಾಯುಕ್ತ ಕಛೇರಿ ಬಳ್ಳಾರಿಗೆ ಈ ಬಗ್ಗೆ ದೂರು ನೀಡಿದ ವಿಷಯಕ್ಕೆ ಸಂಬಂಧಿಸಿದಂತೆ ಲೋಕಾಯುಕ್ತ ಅಧಿಕಾರಿಗಳು ಸಾಕ್ಷಿಗಳ ಆಧಾರದ ಮೇಲೆ ಪ್ರಕರಣವನ್ನು ದಾಖಲು ಮಾಡಿಕೊಂಡು ನಂತರ, ಕರ್ನಾಟಕ ಲೋಕಾಯುಕ್ತ ಪೊಲೀಸ್‌ರು ಫಿರ್ಯಾದಿಯೊಂದಿಗೆ ಮಹಾನಗರ ಪಾಲಿಕೆ ಕಛೇರಿಗೆ ದಾಳಿ ಮಾಡಿದಾಗ,
ಲೋಕಾಯುಕ್ತ ಪೊಲೀಸರು ಹಣದ ಸಮೇತ ಇಬ್ಬರನ್ನು ವಶಕ್ಕೆ ಪಡೆದುಕೊಂಡಿರುತ್ತಾರೆ.
