BP NEWS: ಬಳ್ಳಾರಿ: ನವೆಂಬರ್.16: ಅಜೆಕಾರಿನ ಅಖಿಲ ಕರ್ನಾಟಕ ಬೆಳದಿಂಗಳ ಸಾಹಿತ್ಯ ಸಮ್ಮೇಳನ ಸಮಿತಿ ಉಡುಪಿ ಅವರು ನೀಡುವ ರಾಜ್ಯಮಟ್ಟದ ಮಕ್ಕಳ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿಗೆ ಬಳ್ಳಾರಿ ಜಿಲ್ಲೆಯಿಂದ ಅವನಿ ಗಂಗಾವತಿ ಆಯ್ಕೆಯಾಗಿದ್ದಾರೆ.
ಅವನಿ ಗಂಗಾವತಿ ಮೂಲತಃ ಕೊಪ್ಪಳ ಜಿಲ್ಲೆ, ಕುಷ್ಟಗಿ ತಾಲೂಕಿನ ಹನುಮಸಾಗರದವಳು.
ಸದ್ಯ ಬಳ್ಳಾರಿಯ ಕೇಂದ್ರೀಯ ವಿದ್ಯಾಲಯದಲ್ಲಿ 9ನೇ ತರಗತಿ ಓದುತ್ತಿರುವ ಹುಡುಗಿ. ಸರಿಸುಮಾರು 300ಕ್ಕೂ ಅಧಿಕ ವೈಯಕ್ತಿಕ ವೇದಿಕೆ ಕಾರ್ಯಕ್ರಮಗಳನ್ನು ನೀಡಿ ನಾಲ್ಕು ರೀತಿಯ ವಿವಿಧ ರೆಕಾರ್ಡ್ಗಳನ್ನು ಹೊಂದಿರುವವಳು.
ಅವನಿ ಗಂಗಾವತಿ ಅವರ ಆಯ್ಕೆ ಬಗ್ಗೆ ಸಮಿತಿ ಅಧ್ಯಕ್ಷ ಡಾ. ಶೇಖರ್ ಅಜೇಕಾರು ಅವರು ಮಾಹಿತಿ ನೀಡಿದರು. ಈ ಪ್ರಶಸ್ತಿಗೆ ಮುಂಬೈ, ಕಾಸರಗೋಡು ಸೇರಿದಂತೆ ಬೇರೆ ಬೇರೆ ರಾಜ್ಯಗಳಿಂದ 33 ಮಕ್ಕಳನ್ನು ಆಯ್ಕೆ ಮಾಡಲಾಗಿದೆ ಎಂದು ಡಾ॥ ಶೇಖರ್ ಅವರು ಬಿ ಪಿ ನ್ಯೂಸ್ ಗೆ ತಿಳಿಸಿದರು. ಕಾರ್ಯಕ್ರಮ ನವೆಂಬರ್ 27ರಂದು ಉಡುಪಿಯಲ್ಲಿ ನಡೆಯಲಿದೆ.
