ಸಂಡೂರು ತಾಲೂಕಿನ ಯು ರಾಜಾಪುರ ಗ್ರಾಮ ದೇವರಾದ ಶ್ರೀ ಆಂಜನೇಯ ಸ್ವಾಮಿಗೆ ಕಂಚಿನ ಮತ್ತು ಬೆಳ್ಳಿಯ ಪ್ರಭಾವಳಿ(ಕವಚ).

BP NEWS: ಬಳ್ಳಾರಿ: 5/11/2022: ರ ಶನಿವಾರದಂದು ಬಳ್ಳಾರಿ ಜಿಲ್ಲೆ, ಸಂಡೂರು ತಾಲೂಕಿನ ಯು.ರಾಜಾಪುರ ಗ್ರಾಮದಲ್ಲಿನ ಆಂಜನೇಯ ಸ್ವಾಮಿಗೆ ಅದೇ ಗ್ರಾಮದ ಬನಹಟ್ಟಿ ಕುಟುಂಬದವರಾದ ದಿವಂಗತ ನಟರಾಜ್ ಅವರ ಸುಪುತ್ರರು ಹಾಗೂ ಬನಹಟ್ಟಿಯ ಕುಲಬಾಂಧವರು ಎಲ್ಲಾರು ಸೇರಿ ಗ್ರಾಮದ ದೇವರಾದ ಶ್ರೀ ಆಂಜನೇಯ ಸ್ವಾಮಿಗೆ ಕಂಚಿನ ಪ್ರಭಾವಳಿ ಮತ್ತು ಬೆಳ್ಳಿಯ ಕವಚ ನೀಡುವುದರ ಮುಖಾಂತರ ಆಂಜನೇಯ ಸ್ವಾಮಿಯ ಕೃಪೆಗೆ ಪಾತ್ರರಾದರು.

ಈ ಕಾರ್ಯಕ್ರಮದಲ್ಲಿ ಬನಹಟ್ಟಿ ಕುಟುಂಬದವರೆಲ್ಲ ಭಾಗವಹಿಸಿದ್ದರು. ಬೆಳಿಗ್ಗೆ 5:00 ರಿಂದ ನವಗ್ರಹ ಪೂಜೆ ಮಹಾರುದ್ರಭಿಷೇಕ, ಆಂಜನೇಯ ಸ್ವಾಮಿಗೆ ವಿಶೇಷ ಅಭಿಷೇಕ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು. ಪೂಜಾ ಕೈಂಕರ್ಯಗಳನ್ನು ಯು ರಾಜಪುರದ ಭೀಮ ಸ್ವಾಮಿಯವರು ನೆರವೇರಿಸಿದರು.

ಈ ಕಾರ್ಯಕ್ರಮವು ವಿಜೃಂಭಣೆಯಿಂದ ಜರುಗಿತು. ಮಧ್ಯಾಹ್ನ ರಾಜಾಪುರದ ಸದ್ಭಕ್ತರೆಲ್ಲರಿಗೂ ಪ್ರಸಾದ ವ್ಯವಸ್ಥೆಯನ್ನು ಮಾಡಲಾಗಿತ್ತು. ಈ ಕಾರ್ಯಕ್ರಮದಲ್ಲಿ ಊರಿನ ಎಲ್ಲಾ ಭಕ್ತಾದಿಗಳು ಭಾಗವಹಿಸಿ ಶ್ರೀ ಆಂಜನೇಯ ಸ್ವಾಮಿಯ ಕೃಪೆಗೆ ಪಾತ್ರರಾದರು.