BP NEWS: ಹೊಸಪೇಟೆ(ವಿಜಯನಗರ): ಸೆಪ್ಟೆಂಬರ್.29: ವಿಜಯನಗರ ಜಿಲ್ಲೆಯ ಭಾರತ್ ಸ್ಕೌಟ್ಸ್ ಮತ್ತು ಗೈಡ್ಸ್ ಸಂಸ್ಥೆಯ ವತಿಯಿಂದ ಜಿಲ್ಲಾ ಮಟ್ಟದ ದೇಶಭಕ್ತಿ ಗೀತೆಗಳ ಗೀತಗಾಯನ, ಚಿತ್ರಕಲಾ ಮತ್ತು ಭಾವಗೀತೆ ಸ್ಫರ್ಧೆಯನ್ನು ಅ.1ರಂದು ಜಿಲ್ಲಾ ಕ್ರೀಡಾಂಗಣದ ಹತ್ತಿರದ ಗೃಹರಕ್ಷಕದಳ ಕಚೇರಿಯಲ್ಲಿ ನಡೆಯಲಿದೆ ಎಂದು ಪ್ರಕಟಣೆ ತಿಳಿಸಿದೆ.
ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪನಿರ್ದೇಶಕ ಹಾಗೂ ಭಾರತ್ ಸ್ಕೌಟ್ಸ್ ಮತ್ತು ಗೈಡ್ಸ್‍ನ ಜಿಲ್ಲಾ ಮುಖ್ಯ ಆಯುಕ್ತ ಜಿ.ಕೊಟ್ರೇಶ ಅವರು ಉದ್ಘಾಟನೆ ಮಾಡುವರು. ಭಾ.ಸೌ.ಗೈ.ನ ಉಪಾಧ್ಯಕ್ಷೆ ದೇವಿಕಾ ಮಾಲಿನಿ ಅವರು ಅಧ್ಯಕ್ಷತೆ ವಹಿಸಲಿದ್ದಾರೆ.
ಭಾ.ಸೌ.ಗೈ.(ಗೈ)ನ ಜಿಲ್ಲಾ ಆಯುಕ್ತೆ ಯಶೋಧರ ದೇವಿ ಘೂರ್ಪಡೆ, ಭಾ.ಸೌ.ಗೈ.(ಸ್ಕೌ)ನ ಜಿಲ್ಲಾ ಆಯುಕ್ತ ಎಲ್.ಬಸವರಾಜ, ಗೃಹರಕ್ಷಕದಳದ ಘಟಕಾಧಿಕಾರಿ ಎಸ್.ಎಂ.ಗಿರೀಶ್ ಅವರು ಮುಖ್ಯ ಅತಿಥಿಗಳಾಗಿ ಆಗಮಿಸಲಿದ್ದಾರೆ.
ಈ ಸಂದರ್ಭದಲ್ಲಿ ಜಿಲ್ಲಾ ಖಂಜಾಂಚಿ ಎಂ.ಎಂ.ವಿರುಪಾಕ್ಷಯ್ಯ, ಜಂಟಿ ಕಾರ್ಯದರ್ಶಿ ಅಕ್ಕಮಹಾದೇವಿ, ಜಿಲ್ಲಾ ಕಾರ್ಯದರ್ಶಿ ಪಿ.ಮಂಜುನಾಥಪ್ಪ ಅವರು ಉಪಸ್ಥಿತರಿರಲಿದ್ದಾರೆ.
