ರಾಮಲಿಂಗಪ್ಪ.ಬಿ.ಕೆ ಅವರಿಗೆ ಹೃದಯಸ್ಪರ್ಶಿ ಬೀಳ್ಕೊಡುಗೆ ಸಮಾರಂಭ
BP News ಬಳ್ಳಾರಿ,ಸೆ.22-ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ಬಳ್ಳಾರಿ ಮತ್ತು ವಿಜಯನಗರ ಜಿಲ್ಲೆ ಕಚೇರಿಯ ಹಿರಿಯ ಸಹಾಯಕ ನಿರ್ದೇಶಕರಾಗಿರುವ ರಾಮಲಿಂಗಪ್ಪ.ಬಿ.ಕೆ ಇವರನ್ನು ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ಕಚೇರಿಯಲ್ಲಿ ಸಿಬ್ಬಂದಿಗಳಿಂದ ಆತ್ಮೀಯ ಬೀಳ್ಕೊಡುಗೆ ಸಮಾರಂಭ ಆಯೋಜಿಸಲಾಯಿತು.
ಇದೇ ಸಂದರ್ಭದಲ್ಲಿ ಬಳ್ಳಾರಿ ಮತ್ತು ವಿಜಯನಗರ ಜಿಲ್ಲೆಯ ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ಹಿರಿಯ ಸಹಾಯಕ ನಿರ್ದೇಶಕರಾದ(ಪ್ರ) ಧನಂಜಯಪ್ಪ.ಬಿ ಅವರನ್ನು ಸ್ವಾಗತಿಸಲಾಯಿತು.
——–
ಆರೋಗ್ಯಸೇವೆಗಳನ್ನು ಪಡೆದುಕೊಳ್ಳಿ: ಡಿಎಚ್‍ಒ ಡಾ.ಜರ್ನಾಧನ
BP News ಬಳ್ಳಾರಿ,ಸೆ.22-ಪ್ರಧಾನಮಂತ್ರಿ ಜನಾರೋಗ್ಯ ಯೋಜನೆ ಆರೋಗ್ಯ ಕರ್ನಾಟಕ ಅಡಿಯಲ್ಲಿ ಆಯುಷ್ಮಾನ್ ಭಾರತ್ ಡಿಜಿಟಲ್ ಆರೋಗ್ಯ ಯೋಜನೆಯ ಮೂಲಕ ಎಲ್ಲಾ ಸಾರ್ವಜನಿಕರು ಆಯುಷ್ಮಾನ್ ಭಾರತ್ ಕಾರ್ಡ್‍ಗಳನ್ನು ಮಾಡಿಸಿಕೊಂಡು ತಮಗೆ ನೀಡುವ ಆರೋಗ್ಯ ಸೇವೆಗಳನ್ನು ಒಂದೇ ಸೂರಿನಡಿ ಪಡೆದುಕೊಳ್ಳಬೇಕು ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳಾದ ಡಾ.ಹೆಚ್.ಎಲ್ ಜನಾರ್ಧನ್ ತಿಳಿಸಿದರು.
ಉಚಿತ ದಂತ ತಪಾಸಣಾ ಶಿಬಿರ ಹಾಗೂ ಇತರೆ ಆರೋಗ್ಯ ಕಾರ್ಯಕ್ರಮಗಳ ಸೇವೆಗಳ ಜಾಗೃತಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು.
——
ಅಂಚೆ ಇಲಾಖೆಯಲ್ಲಿ ಕಾರ್ಯಪ್ರಗತಿ ಸಾಧಿಸಿದ ಸಿಬ್ಬಂದಿಗಳಿಗೆ ಸನ್ಮಾನ
BP News ಬಳ್ಳಾರಿ,ಸೆ.22-ಬಳ್ಳಾರಿ ನಗರದ ಕೋಟೆ ಪ್ರದೇಶದಲ್ಲಿರುವ ಅಂಚೆ ಅಧೀಕ್ಷಕರ ಕಾರ್ಯಾಲಯದಲ್ಲಿ ಪ್ರಸಕ್ತ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕಾವಧಿಯಲ್ಲಿ ಗ್ರಾಮೀಣ ಅಂಚೆ ಜೀವ ವಿಮೆ ಹಾಗೂ ಅಂಚೆ ಜೀವ ವಿಮೆಯ ವ್ಯವಹಾರದಲ್ಲಿ ಹೆಚ್ಚಿನ ಕಾರ್ಯಪ್ರಗತಿ ಸಾಧಿಸಿದ 10 ಜನ ಅಂಚೆ ಸಿಬ್ಬಂದಿ ಹಾಗೂ ಪ್ರತಿನಿಧಿಗಳನ್ನು ಸಾಮ್ರಾಟ್-10 ಎಂಬ ಯೋಜನೆಯಡಿ ಪ್ರಮಾಣ ಪತ್ರ ಹಾಗೂ ನೆನಪಿನ ಕಾಣಿಕೆ ನೀಡಿ ಸನ್ಮಾನಿಸಲಾಯಿತು.
——-
27 ಶಾಲೆಗಳಲ್ಲಿ ಸೀರೆಗಳನ್ನು ವಿತರಿಸಿದ ಸಚಿವ ಬಿ.ಶ್ರೀರಾಮುಲು ಆಪ್ತರು
BP News ಬಳ್ಳಾರಿ,ಸೆ.22-ಶಿಕ್ಷಕರ ದಿನಾಚರಣೆಯಂದು ಗೌರವಯುತವಾಗಿ ಶಿಕ್ಷಕರಿಗೆ ಸೀರೆ ವಿತರಿಸುವ ಕಾರ್ಯಕ್ರಮಕ್ಕೆ ವಾಗ್ದಾನ ನೀಡಿರುವಂತೆ ಸಚಿವ ಬಿ.ಶ್ರೀರಾಮುಲು ಅವರ ಅಪೇಕ್ಷೆಯಂತೆ ಸಚಿವರಾದ ಬಿ.ಶ್ರೀರಾಮುಲು ಅವರ ಆಪ್ತರು ಇಂದು 27 ಗ್ರಾಮಗಳಲ್ಲಿ ಸೀರೆಗಳನ್ನು ವಿತರಿಸಿ ಶಿಕ್ಷಕರಿಗೆ ಶುಭ ಕೋರಿದರು.
ಈ ಸಂದರ್ಭದಲ್ಲಿ ಬಳ್ಳಾರಿಯ ಮಾಜಿ ಸಂಸದೆ ಜೆ.ಶಾಂತಾ, ಬಿಜೆಪಿ ಮುಖಂಡರು ಮತ್ತು ಸಚಿವರ ಆಪ್ತರಾದ ರಾಮು, ಪಕ್ಷದ ಗ್ರಾಮೀಣ ಭಾಗದ ಧುರೀಣರಾದ ಸಿಂಧವಾಳ ವೀರೇಶಗೌಡ, ಇನ್ನಿತರರು ಈ ಸಂದರ್ಭದಲ್ಲಿ ಇದ್ದರು.
——
ಗ್ರಾಮೀಣ ಪ್ರದೇಶದ ನಕ್ಷತ್ರಗಳನ್ನು ಹುಟ್ಟುಹಾಕುವ ತಾರೇ ಜಮೀನ್ ಪರ್ ತಾರಾಮಂಡಲ
BP News ಬಳ್ಳಾರಿ,ಸೆ.22-ಕರ್ನಾಟಕ ಸರ್ಕಾರ, ಕರ್ನಾಟಕ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆಯ ಅಂಗ ಸಂಸ್ಥೆಯಾದ ಕರ್ನಾಟಕ ವಿಜ್ಞಾನ ಮತ್ತು ತಂತ್ರಜ್ಞಾನ ಪೆÇ್ರೀತ್ಸಾಹಕ ಸೊಸೈಟಿ (ಕೆಸ್ಟೆಪ್ಸ್), ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ ಹಾಗೂ ವರ್ಣಾಜ್ ಟೆಕ್ನಾಲಜಿಸ್ ತಾರೇಜಮೀನ್ ಪರ್ ಸಂಸ್ಥೆಯ ಸಹಯೋಗದ ಶಾಲೆಯ ಅಂಗಳದಲ್ಲೇ ತಾರಾಲಯ-ಸಂಚಾರಿ ಡಿಜಿಟಲ್ ತಾರಾಲಯ ಆರಂಭಿಸಲಾಗಿದೆ.
ಈ ಸಂದರ್ಭದಲ್ಲಿ ಡಿಡಿಪಿಐ ಸೇರಿದಂತೆ ಪರಿವೀಕ್ಷಕರಾದ ಬಸವರಾಜ ಎಂ., ಡಿವೈಎಫ್‍ಸಿ ಹನುಮಂತಪ್ಪ, ಇನ್ಸ್ಟ್ರಕ್ಟರ್ ಅರ್ಜುನ ಮತ್ತು ತಾರಾವಲಯದ ಚಾಲಕರಾದ ಗುರುರಾಜ ಇನ್ನಿತರರು ಇದ್ದರು.
——
ಬಿಕೆ ರಾಮಲಿಂಗಪ್ಪನವರಿಗೆ ಬೀಳ್ಕೊಡುಗೆ
BP News ಬಳ್ಳಾರಿ,ಸೆ.22-ಕಳೆದ ಆರೂವರೆ ವರ್ಷಗಳಿಂದ ಬಳ್ಳಾರಿ ಜಿಲ್ಲಾ ವಾರ್ತಾಧಿಕಾರಿಗಳಾಗಿದ್ದ ಬಿಕೆ ರಾಮಲಿಂಗಪ್ಪ ಅವರಿಗೆ ಪದೋನ್ನತಿ ದೊರೆತಿದ್ದರ ಹಿನ್ನೆಲೆಯಲ್ಲಿ ಇಂದು ಪತ್ರಿಕಾ ಭವನದಲ್ಲಿ ಬೀಳ್ಕೊಡಲಾಯಿತು.
ಜಿಲ್ಲಾಧಿಕಾರಿ ಪವನಕುಮಾರ್ ಮಾಲಪಾಟಿ, ನಿವೃತ್ತ ವಾರ್ತಾಧಿಕಾರಿ ಜಿ.ಚಂದ್ರಕಾಂತ್, ಟಿ.ಕೊಟ್ರಪ್ಪ ಮತ್ತು ಇನ್ನೋರ್ವ ಪದೋನ್ನತಿ ಹೊಂದಿದ್ದ ಹಳ್ಳಿಕೇರಿ ಇವರು ವೇದಿಕೆಯ ಮೇಲಿದ್ದರು. ಇದೇವೇಳೆ ಧನಂಜಯಪ್ಪ ಅವರನ್ನು ಬಳ್ಳಾರಿ ಜಿಲ್ಲಾ ವಾರ್ತಾಧಿಕಾರಿಯನ್ನಾಗಿ ಸ್ವಾಗತಿಸಲಾಯಿತು.
—-
