BP NEWS: ಕೊಪ್ಪಳ: ಸಪ್ಟೆಂಬರ್.15: 14/09/2022 ರಂದು ನಡೆದ ವಿಜಯ ಕರ್ನಾಟಕ ಕೊಪ್ಪಳ@ 25 ಸಂಭ್ರಮದಲ್ಲಿ ಕು॥ ಅವನಿ ಗಂಗಾವತಿ ಅವರು ಭಾಗವಹಿಸಿ, ಕೋಪಣ ನಾಡು, ಬೆಳ್ಳಿ ಬೆಡಗು ಹಾಗೂ ಸ್ವಚ್ಛತಾ ಚಿಲುಮೆಯ ಕಾರ್ಯಕ್ರಮದಲ್ಲಿ ತನ್ನ ಭರತನಾಟ್ಯ ನೃತ್ಯ ಪ್ರದರ್ಶನದಿಂದ ಕಾರ್ಯಕ್ರಮಕ್ಕೆ ವಿಶೇಷ ಕಳೆ ತಂದಿದ್ದಲ್ಲದೆ ನೆರೆದ ಸಭೀಕರನ್ನು ಚಕಿತಗೊಳಿಸಿದಳು.
ಕೊಪ್ಪಳದ ಸಾಹಿತ್ಯ ಭವನದಲ್ಲಿ ನಡೆದ ಈ ಕಾರ್ಯಕ್ರಮಕ್ಕೆ ಸಂಗಣ್ಣ ಕರಡಿ ಸಂಸದರು ಕೊಪ್ಪಳ ಅವರಿಂದ ಚಾಲನೆ ದೊರೆಯಿತು, ಅಮರೇಗೌಡ ಬಯ್ಯಾಪುರ್ ಅವರ ಅಧ್ಯಕ್ಷತೆಯಲ್ಲಿ ಕಾರ್ಯಕ್ರಮ ಜರುಗಿತು.
ಶಿವರಾಜ್ ತಂಗಡಗಿ, ದೊಡ್ಡನಗೌಡ ಪಾಟೀಲ್, ಸುಂದರೇಶ್ ಬಾಬು, ಫೌಜಿಯಾ ತರನ್ನುಮ್, ಸಿಇಓ ಕೊಪ್ಪಳ ಇವರು ಮುಖ್ಯ ಅತಿಥಿಗಳಾಗಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.
ಸಂಜೆ ನಡೆದ *ರಜತ ರಂಗು* ಕಾರ್ಯಕ್ರಮದಲ್ಲಿ ಜೀವನ ಸಬಿನಾಳ್ ಅವರಿಂದ ಹಾಸ್ಯ ಸಂಜೆ, ಕುಮಾರಿ ಅವನಿ ಗಂಗಾವತಿ ಇವಳಿಂದ ಭರತನಾಟ್ಯ ಸೇರಿದಂತೆ ಕೊಪ್ಪಳದ ವಿವಿಧ ಶಾಲಾ ಮಕ್ಕಳಿಂದ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು.
ಈ ಸಂದರ್ಭದಲ್ಲಿ ಕುಮಾರಿ ಅವನಿ ಗಂಗಾವತಿ ಅವರಿಗೆ ಈ ವರ್ಷದ ವಿಜಯ ಕರ್ನಾಟಕ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
ಈ ಕಾರ್ಯಕ್ರಮದ ಪೂರ್ಣ ಜವಾಬ್ದಾರಿಯನ್ನು ವಿಜಯ ಕರ್ನಾಟಕ ಮುಖ್ಯಸ್ಥರಾದ ಗಂಗಾಧರ್ ಬಂಡಿಹಾಳ್ ಅವರು ವಹಿಸಿಕೊಂಡು ಕಾರ್ಯಕ್ರಮವನ್ನು ಅದ್ದೂರಿಯಾಗಿ ನಡೆಸಿ ಕೊಟ್ಟಿದ್ದು ವಿಶೇಷ.
